HMİ nədir?

Mənası insan maşın interfeysi olan bu qurğular, hər hansı bir istehsalat sahəsində gedən prosesə nəzarət etmək üçün istifadə edilir. Gündəlik həyatımızda gördüyümüz pul bankomatları insan maşın interfeysinə missal olaraq göstərmək mümkündür.

HMİ nə üçün istifadə olunur?

İnsan maşın interfeysləri sayəsində mühəndislər istənilən sənayedə gedən prosesin temperaturunu, təzyiqini həmçinin su tanklarının səviyyəsini çox dəqiq şəkildə müşahidə edə bilər. Bu cihazlar bir növ PLC( proqramlaşdırıla bilən məntiq nəzarətçiləri) məntiqilə işləyir. Yəni, prosesdə gedən hər hansı problem ekranda göstərir.

HMİ PLC ilə necə əlaqələnir?

Ümumiyyətlə, insan maşın interfeysləri daimi olaraq PLC ilə əlaqədə olmalı bir növ onla danışmalıdır. Çünki, cihazın mövcud olan prosesin xüsusiyyətlərini göstərməsi üçün PLC tərəfindən yollanılan siqnallara ehtiyyacı var. Bu əlaqə şinlərlə həyata keçirilir. Şinlərin müxtəlif protokolları mövcuddur. Nümunə olaraq da modbus, profinet, profibus və ethernet\ıp şin protokollarını göstərmək olar.

HMİ necə dizayn edilməlidir?

Düzgün və sadə dizayn edilmiş insan maşın interfeysi, mühəndis tərəfindən daha yaxşı anlaşılacaq və prosesin nəzarəti yüksək olacaqdır.

2015-ci ildə ISA 101 insan maşın interfeyslərinin standartlarını müəyyənləşdirdilər. Belə ki, əsas məqsəd odur ki, maksimum şəkildə cihazda əsas proses və simvolları göstərmək lazımdır. Əlavə və qarışıq prosesləri göstərməkdən qaçmaq lazımdır. Eləcə də rənglərin düzgün istifadə edilməsi çox vacibdir. Rəngarənglikdən ola bildiyi qədər yayınmaq və boz rəngdən geniş şəkildə istifadə etmək məqsədə uyğundur.