8 Noyabr - Zəfər Günü

Bu gün Vətənimizin azadlığı uğrunda canını fəda etmiş qəhrəmanlarımızı, ordumuzun igid əsgərlərini və Ali Baş Komandanımızın liderliyini qürurla anırıq. 8 Noyabr tarixində Azərbaycan xalqı birlik və əzm göstərərək Qarabağ torpaqlarını işğaldan azad etdi. Bu zəfər, yalnız torpaqlarımızın deyil, milli qürurumuzun və gələcəyimizin zəfəri oldu.

Biz bu tarixi qələbəni, şəhidlərimizin əziz xatirəsini daim yaşadacaq və onların göstərdiyi qəhrəmanlığı gələcək nəsillərə çatdıracağıq. Bu gün həm də bir millət olaraq həmrəyliyimizi və gücümüzü bir daha xatırlama günüdür.

Azərbaycan Mühəndislər Birliyi olaraq, bütün xalqımızı Zəfər Günü münasibətilə təbrik edirik.