Bu gün – 7 dekabr tarixində Azərbaycan Mühəndislər Birliyinin təşkilatçılığı ilə tələbələr üçün SOCAR-STP şirkətinə texniki gəzinti baş tutub.

İlk öncə gəzinti iştirakçılarının təhlükəsizliyi təmin etmək üçün Fərdi Mühafizə Vasitələri (jilet və dəbilqə) ilə təchiz olundular. Daha sonra təhlükəsizlik qaydaları haqqında ətraflı məlumat təqdim edilmişdir. Zavod ərazisini gəzən iştirakçılar orda aparılan işlərlə yaxından tanış olublar, yaranan suallar şirkətin əməkdaşları tərəfindən ətraflı olaraq cavablandırılıb.

Gənclərin sənaye biliklərinin artırılmasında,texniki gəzintinin təşkilinə Azərbaycan Mühəndislər Birliyi üçün şərait yaratdığına görə SOCAR-STP rəhbərliyinə və kollektivinə öz təşəkkürümüzü bildiririk.