Əziz izləyicilər!
7 və 8 may tarixlərində "WomEnginering" təşkilatçılığı və Norm ASC-nin dəstəyi ilə Şəmkir və Tovuz rayonlarında "Məktəblisən Mühəndissən" adlı maarifləndirici tədbir keçiriləcəkdir.
Tədbirə 100-dən çox şagird cəlb olunacaqdır. Əsas fokus 9-10-11-ci sinif şagirdləri olacaq. Tədbirimizin əsas məqsədi şagirdlərin ixtisas seçimində diqqət etməli olduqları məqamlar və ixtisas seçimindən sonra karyera yolunda doğru addım atmaqlarında dəstək olmaq və eyni zamanda şagirdləri müasir dövrün ən önəmli sahələrindən olan mühəndislik peşəsi ilə yaxından tanış etməkdir.
Spikerlər :
Ayşən Hətəmli İxtisas seçiminin aparılması, bunun üçün DİM qeydiyyat prosesi haqqında, Mexanika/Planlama mühəndisliyi və mühəndislik layihələrinin idarə olunması haqqında. Eyni zamanda Cənubi Qafqaz regionunun ən böyük sement zavodu olan NORM ASC və bu zavodda karyera imkanlarından;
Nigar Rüstəmova Neft-kimya, Proses Mühəndisliyi, Ekologiya və SƏTƏM sahələri haqqında;
Minayə Kərimova İnformasiya Texnologiyaları, Robotika və Proqramlaşdırma sahələri ilə bağlı;
Məhərrəm Bəşirov Aviasiya sahəsi və bu sahədə uğurlu karyera qurmağın yolları haqqında;
İskəndər Axundov Yumşaq Bacarıqların (Soft Skills) gələcək həyatımızda və Karyeramızda rolu, abituriyent dövründə yaşana biləcək problemlər və onların həlli/Motivasiya mövzularında çıxış edəcək.
Tədbirin sonunda bilik olimpiyadası keçiriləcəkdir və qalib komandalar hədiyyələrlə mükafatlandırılacaqdır.