"Gulf Drilling Supply FZE" şirkətində 2 aylıq
Yay Təcrübə proqramında iştirak edən könüllümüz Murad ilə olan kiçik söhbətimizi sizə təqdim edirik:
"Mən Murad Qədirli Azərbaycan Dövlət Neft və Sənaye Universitetinin 4-cü kurs Neft-qaz mühəndisliyi tələbəsiyəm. Azərbaycan Mühəndislər Birliyində 2 ilə yaxındır ki fəaliyyət göstərirəm. Könüllülükdən başlayan bu yolda hal-hazırda ofis meneceri və idarə heyətinin üzvüyəm. AZMİİB tələbələrlə - mühəndislər və tələbələrlə-şirkətlər arasında körpü yaratmaq üçün çalışır. Teamwork, time management və project management üzrə olan bacarıqlarımın bir çoxunun inkişafında AZMİİB-in rolu danılmazdır. İxtisas yönümlü təlimlərlə də özümü yetişdirməyimdə mənə dəstək olmuşdur. Bunların nəticəsi olaraq Drilling Engineering üzrə Gulf Drilling Supply FZE şirkətində 2 aylıq təcrübə qazanmağım üçün şərait yaradıldı. Nəzəri olaraq öyrəndiklərimi sahədə görmək mənim üçün ifadəsi çətin duyğular yaradır. Hər şey üçün Azərbaycan Mühəndislər Birliyinə təşəkkür edirəm. Gələcək karyerasında mühəndis adını daşımaq istəyən hər kəsə AZMİİB-ə qatılmasını və bu ailənin bir parçası olmasını tövsiyə edirəm."