"Azərsu" ASC-Mərkəzi laboratoriyasında Yay Təcrübə proqramında iştirak edən könüllümüz Türkan ilə olan kiçik söhbətimizi sizə təqdim edirik:
"Mən - Türkan İsrafilli, Bakı Dövlət Universitetində Kimya ixtisası üzrə 4-cü kursda təhsil alıram. Azərbaycan Mühəndislər Birliyini burada könüllü və üzv olaraq fəaliyyət göstərən tələbə yoldaşlarımın sayəsində tanıdım və daha sonra təşkil olunan təlimlərin, texniki gəzintilərin, layihələrin aktiv iştirakçısına çevrildim. Bu təlim və texniki gəzintilər məndə sahəmə olan marağı artırır, gələcəyə doğru daha inamlı addımlar atmağa kömək edirdi. Layihələrin aktiv iştirakçısı olduğum üçün bu yay "Azərsu" ASC-də təşkil edilmiş istehsalat təcrübəsində iştirak etmək hüququ qazandım. Bu təcrübə mənə sadəcə sahəm üzrə praktiki biliklər əldə etməkdə deyil,həmçinin kollektivdə işləmək,bir komanda kimi fəaliyyət göstərmək, öyrəndiklərimi düzgün şəkildə təqdim etmək kimi vacib bacarıqlara yiyələnməkdə çox kömək oldu. Belə şəraiti bizə yaratdığı üçün Azərbaycan Mühəndislər Birliyinə sonsuz təşəkkürlərimi bildirirəm. Onu deyə bilərəm ki, AZMİİB heyəti gənclərə gələcəkdə öz sahələri ilə bağlı daha qətiyyətli və inamlı addımlar atmağa, yüksək təcrübəyə sahib və peşəsini sevən mühəndis olmağa yardımçı olur. Mühəndislik sahəsində yetişməkdə olan gənclərə tövsiyəm odur ki,onlar AZMİİB tərəfindən keçirilən təlimlərin, seminarların iştirakçıları olaraq, üzvlük və könüllülük proqramlarına qoşularaq özlərini maksimum dərəcədə inkişaf etdirə bilərlər.Bu onlara özlərini doğru dəyərləndirməyə imkan yaradacaq, onları irəlidə daha ixtisaslı, peşəkar mühəndislərə çevirəcək."