"Azərsu" ASC-Mərkəzi laboratoriyasında Yay Təcrübə proqramında iştirak edən könüllümüz Aysel ilə olan kiçik söhbətimizi sizə təqdim edirik:
"Mən, Aysel Bəşirova, Azərbaycan Dövlət Neft və Sənaye Universitetinin "Kimya mühəndisliyi" ixtisasının 3-cü kurs tələbəsiyəm. Azərbaycan Mühəndislər Birliyini ixtisasımla bağlı keçirdiyi təlim sayəsində tanımışam. Burada 5 aydır ki, könüllü - researcher kimi fəaliyyətimi davam etdirirəm.
AZMİİB -in təşkil etdiyi təlimlər və seminarlar həm fəaliyyətimdən əvvəlki dövrdə, həm də fəaliyyətim dövründə gələcək inkişafım üçün gərəkli olan yolu tapmağımda mənə köməkçi olmuşdur. Həmçinin könüllülük fəaliyyətim nəticəsində istər sosial aktivlik cəhətdən, istərsə də təhsil cəhətdən müəyyən bacarıqlarımı kəşf etməyimdə kömək etmişdir. Könüllülük müddətində keçirilmiş layihələrdə aktiv şəkildə iştirak etdiyim üçün
"Azərsu" ASC-Mərkəzi laboratoriyasında 1 aylıq təcrübə proqramına iştirak hüququ qazanmışam. Təcrübə ərzində  laboratoriya şəraitində müxtəlif fiziki və kimyəvi analizlərdə praktiki təcrübə əldə etmiş, cihazlar və laboratoriya təhlükəsizliyi kimi vacib bacarıqlara yiyələnmişəm. Gələcək təhsil və iş həyatımda gərəkli olan bu bilikləri əldə etməyimdə Azərbaycan Mühəndislər Birliyinin göstərdiyi dəstək əvəzsizdir. Göstərdiyi dəstək və yardıma görə AZMİİB-ə dərin minnətdarlığımı bildirirəm.
Gənclərə tövsiyəm, daim inkişafda qalmaq, çıxdıqları yolda yorulmadan daim irəli hərəkət etməkdir. AZMİİB-in üzvlük və könüllülük proqramlarına qoşulmaq bu yolu daha işıqlı, parlaq və aktiv gələcəyə çevirə bilmələrinə böyük kömək olacaqdır."